هواشه ضرب ومضاربه مايو 24, 2008

هواشة ..بووو ..بين من ومن ….في اصابات .لا ..مافيه .. الهوشه بالكلام الخارج عن الادب بين راب قطر وراب كويت ..ودخلوا تاريخ دولتين شقيقتين في تاجيج مشاعر المراهقين بالاغاني الواطيه .. صج الواطين يظلون واطيين مايرتفع مستواهم .. طيب حصل خير .. اي خير درى احد من الاسرة الحاكمه عاد اقولج تم قطع العلاقات بين شقيقتين ..لا ماتوصل .. الا توصل وسبب تيارات حزبية وطوائف ..

عاد كبرتيها وهي قصيره ..لا سالفه جايده وشرف وتقاليد وفزعت قبايل وطبول حرب .. استريحي زين .. لا صج سالفه بدت بقتل في عائلة كويتيه قطرية بقطر وتم تشهير بعدها بقطر .. شدخل هي بهاي .. عاد هي شغل ناس محترفه في الفتن … شيوخ قطر والكويت اكبر من حثاله مجتمع ..

اي والله حثاله وينقولون قيل والقال ويسبب بين الناس والاهل والاخوان حساسيه شغل تيارات وجرايد الصفراء قطر وكويت اكبر منكم

امي حبيبتي المدهشة مايو 24, 2008

الله لايخليني منج يمه ..ويطول بعمرج ..وعمر جميع امهات المسلمين يارب …

امي ليش؟؟ مدهشة وام عنجد (( من قلب )) لان مافرطت فينا وربتنا وراعتنا مع انا لا نستحق هذا كله انا لو كنت بدال امي جان اعدمت كل عيالي اللي هم حنا ..

امي الله يطول بعمرها ماحطت شئ بخاطرنا ودوم تقول انشالله ماظن انها قالت لنا لا اعتقد ان لا محرمه عندها الا بالتشهد ..

امي ياجماعه ظهرت منا رجال ونساء والفضل كله بعد  الله لامي صج ماظهرنا ناجحين بمفهوم هالزمن .. انا تكلم عن ايمان للي زرعته بقلوبنا الخوف من الله مع انه مو موجود ( يعني مو مادي ) خلتنا نحب نبينا صلى الله عليه وسلم ونحب الانبياء والمرسليين نحب كتاب الله ونحافظ ع سنة رسوله صلى الله عليه وسلم نحب من يحب الله ورسوله ونكره للي يكرهم بالعربي علمتني الولاء والبراء ..

امي كانت معلمتي الاولى علمتي قراءة و الكتابة ودفعتني التعلم وصبر على تعلم هي من دفعتني لتعلم السير في 7 شهور  ..امي ياسادة غير متعلمه .. بدوية لم تخرج من قطر ولم تعرف سوى بيت والدي هي زرعت فيني حب فلسطين وتضحيه بما في يدي لها هي من علمتني السياسه وانا اكره لسياسه ..

حمدالله انه اعطاني ام كامي لم تدخلني مدرسة انكليزيه وتحرص على حفظي للسلم الموسيقي وحفظ شواذ الغرب ولواقطه امي زرعت فيني مايجعلني افخر بعروبتي وديني ..امي اعطتني اكثر مما اخذت مني .. اليست اعظم نعم الله هي امي ..ببراها ادخل جنة الله من اوسع بابها وبركات دعاها الله يرعاني ويحفظني ..

وانا ايظن اظن ذلك

دوني ياتدوينه مايو 24, 2008

بصراحه ماعندي ماعند جدتي الله يرحمها وهذا ليس لتفاهتي او تفاهت زماني بل لن الملل بلغ ذروته العليا عندي ومن طفش لزم اكتب سبب الطفش ليش << اقول القصة؟؟؟

مرة كنت جلسه في (الغارية) وسمع مشاري العفاسي يالله ودخل رجولي بالماي وطلعهاا ^^ يعني اللعب شوي الا اخوي يصارخ ويقول اذنا الحاكم طويلاتان طلعته قلت سخيف ): وش قصة اذنى الحاكم الله يسلمكم اخوي يشبهني بحلاق الحاكم للي ينتفخ بطنه لانه يكتم سر اذن الحاكم طويله ويحط سر بحفرة ويرتاح من الانتفاخ ^^ .. فهو يقول اني متضايقه ومشاعري متاججه ومتداخله علشان عندي سر ..الحمدالله وشكر انا لو عندي سر بيبقى في فمي فوله والله اقوله ..طبع القصة مفهومه قصة حلاق الحاكم مرة قريتها باحد المنتديات وقول اخوي دووم يشبهني بالحلاق الا وحده طرش رساله وقالت كتبي مشاعرج في مدونه وتحصليين الخط الفاصل بين الوهم والحقيقة ..طبع انا قلت خل نشوف الخط هذا ..طبع هي فرسالتها المطوله تذكر معانتهاا الاليمه ان محد كان يقدر يفهم منها شئ لانها مستعجله دوم حتى بكتابتهاا وفي الحكم ع الاخريين غير الاخطأ الاملائية بلا طولت سيرة  ..

قلت راح كتب كل شئ حقيقي او غيرة بذهني او للي يثيرني في دنيتي من خلال المدونه لاني جربت الدفتر ودووم حصله بيد اخواني ويقعدون يطنزون علي وعلى لغتي الصعبه في الكلام خخخ انا بجميع لهجات العربية اتحدث بس لما كتب تدخل لغة العربية ..غير الاخطأ الاملائية ..انا ماعندي اشكل (( مشكله )) في طنازة  بس الاشكل عندي في المهاجميين للي يندفعون بلهجة الهواش والمضاربه..

للامانه:

ماتحته خط : خطأ بالمقال وقصص متداخله مختلقه ..

للي مشخط بخط : خطأ املائي او عتذر للكلمه سلبية

قطر ياتاج مايو 24, 2008

وعنك سولفولي الناس … ياعقد من الذهب والماس
يا قصة حب مكتوبة … قطر يا تاج فوق الراس
.
يا شمس حيرت أقمار … يادار ما مثلها دار
خذاك العز لدروبه … وصرتي أجمل المشوار
.
على ترابك ربى إنسان … بذل جهدن بقو وإيمان
وصرتي ثامن اعجوبة … بها الدنيا حديث أوطان
.
وسط جوك يرفرف طير … ونسماتك هواها غير
دعاك كلن ومطلوبه … قطر ياعلك زيادة خير

بصوت مشاري العفاسي:

http://www.mediafire.com/?i5t1zkttcdh

_____________________________________________________________________

فديت ترابج ياقطر ..ياعمري قطر